ПОЛИЦИЯ ҚЫЗМЕТКЕРЛЕРІМЕН КЕЗДЕСУ

/в /от

Жуырда   Жамбыл облыстық полиция департаментінде Қазақстан халқы Ассамблеясының 30 жылдығына арналған тағылымды шара ұйымдастырылды.  Мерейтой қарсаңында өткен жиынға өңірлік ҚХА  ғылыми-сараптамалық тобының мүшелері қатысып, үш он жылдық белесті бағындырған іргелі ұйымның  еліміздегі маңызы мен рөліне айрықша тоқтала өтті.  Атап айтар болсақ, қалалық өзбек этномәдени  орталығының төрағасы,  өңірлік ҚХА ҒСТ мүшесі Абдурахман Зайнутдинов,  «Қоғамдық келісім» КММ ғылыми-сараптамалық қолдау бөлімінің бас сарапшысы Ербол Қаншымбеков  бейбітшілік пен келісім, қоғамдағы этносаралық тұрақтылықты сақтаудағы этномәдени бірлестіктердің рөлі туралы полиция қызметкерлеріне  кеңінен баяндады.

Сондай-ақ, аталған жиында құқықтық сауаттылық пен полицияға деген сенімді арттыру,  этностық топтардың құқықтарын қорғау бойынша тұрақты диалог орнату секілді мәселелер де қозғалды.